Сб 24.02.2024, 19:01                                                                                                                                            Регистрация Вход

Адрес: 425120, Республика Марий Эл, пгт. Морки, ул. Советская, д. 7
Телефон: 8 (987) 708-09-96
E-mail: biblmorki@yandex.ru

Меню сайта

Краеведение

Наш опрос
Литературу какого жанра Вы предпочитаете?
Всего ответов: 90

Опрос
Как Вы оцениваете качество услуг в библиотеке?
Всего ответов: 53







Главная » 2023 » Июнь » 14 » Ӱстел йыр погынымаш «Сылнылык тӱняште»
14:28
Ӱстел йыр погынымаш «Сылнылык тӱняште»

Пеледыш тылзын 14 кечынже Морко рӱдӧ книгаудышто поэт-писатель-влак дене черетан вашлиймаш эртыш. Ӱстел йыр погынымашыште Морко кундемын уста писательже-влак: Валентин Осипов-Ярча, Лидия Семенова, Владимир Егоров, Галина Кузьмина да ӱжмӧ уна-влак погыненыт.
Погынымашын тӱҥ шонымашыже – Марий Эл Республикысе тӱвыран сулло пашаеҥже Валентин Осипов-Ярчан «Эх, Рая, Раисаж-а-ат...» книга дене палыме лияш. Книган авторжо, Марий Элын уста мурызыжо Раиса Даниловам порын шарналтыш да тудлан пӧлеклалтше книгаже кузе возалтмыж нерген каласен кодыш. Тиде жапыштак самырык годсо да кызытсе шуко оҥай историй-влакым шарналтыш.
Йоча писатель Владимир Егоров 60 ияш лӱмгечыжлан пӧлеклат лекше «Пӧршаҥше ломбыгичке» книга дене палдарыш. Кажне сюжетын кузе шочмыж нерген палемдыш. Книгаш пуртымо илышлан туныктышо ойлымаш-влак тӱҥалтыш да кыдалаш класслаште тунемше-влаклан пӧлеклалтыныт.
Марий Элын сулло журналистше, серызе Лидия Семёнова «Сӱанлык тувыр» кокымшо книгаже дене палдарыш. Тиде книгашке ойлымаш да эссе-влак пурталтыныт. Автор илыш сӱретым сылнымут произведенийыш савырымж нерген каласкалыш. Самырык серызе-влаклан кузе чын возымо нерген ойым пуыш.
Вара мутым книгагудысо «Морко памаш» клубын чолга участницыже - Галина Кузьмина нале. Галина Васильевна «Тулык ватын ӱдыржӧ» книгаж дене палдарыш да шке возымо «Шоҥго Макар» почеламутшым сылнын йоҥгалтарыш. Шке книгаштыже война деч варасе неле ялысе илыш нерген возен.
Тыгай талантан еҥ-влак дене ме кугешнена, умбакыжат пенгыде кылым кучаш тӱҥалына. Марий поэзий да прозо умбакыжат вияҥеш, да у серызе-влак эшеат шукырак да шукырак лийыт манын ӱшанен кодына.


#Моркинский_родник 

      

Просмотров: 137 | Добавил: Дмитрий | Теги: Осипов-Ярча, презентация книги | Рейтинг: 0.0/0
Всего комментариев: 0


VKONTAKTE
Моркинская библиотека


        

       

© МБУК «Моркинская ЦБС» 425120, Республика Марий Эл, Моркинский район, пгт. Морки, Советская, 7

Телефон: 8(83635)9-17-87; e-mail biblmorki@yandex.ru    
Copyright MyCorp © 2024