Сб 24.02.2024, 01:46                                                                                                                                            Регистрация Вход

Адрес: 425120, Республика Марий Эл, пгт. Морки, ул. Советская, д. 7
Телефон: 8 (987) 708-09-96
E-mail: biblmorki@yandex.ru

Меню сайта

Краеведение

Наш опрос
Литературу какого жанра Вы предпочитаете?
Всего ответов: 90

Опрос
Как Вы оцениваете качество услуг в библиотеке?
Всего ответов: 53







Главная » 2023 » Декабрь » 8 » Леонид Логинович Яндаковлан - 90 ий
09:13
Леонид Логинович Яндаковлан - 90 ий

Марий Элын сулло журналистше, С. Г. Чавайн лӱмеш Кугыжаныш премийын лауреатше, Россий писатель ушемын еҥже, Марий Элын калык писательже 10 декабрьыште вачӱмбакыже 90 ийым пышта. Леонид Логинович Яндаков 1933 ийын Морко район Шӱргыялеш, индеш шочшан ешыште шочын. Йоча жапше сар жаплан логалын, сандене кандаш ияш икшывылан пасушто шӱкымат кӱраш, кугурак пашат логалын. Индеш ияш годым тудо ялысе кугурак еҥ-влак дене ӱдаш коштын, нунын каласкалымыштым колыштын да шуко тӱрлӧ легенде-влакым ушышкыжо пыштен.
✅ Тунемаш 1942 ийыште каен. Школ йӱштылан кӧра, тунемше-влак мӧҥгӧ гыч пу комылям нумалын школым олтеныт.
Школым пытарыме деч вара 1949 ий гыч 1953 ий марте Морко педучилышыште шинчымашым поген. 1953 ий гыч 1958 ий марте Л. Л. Яндаков Марий педагогический институтын естествознаний факультетыштыже тунемын. Чолга студент мастарлыкшым концертлаште ончыктен, кеч-куштат эре ончылно лияш тыршен. Институтым сайын тунем пытарымыж деч вара Волжск районысо Кугу Парат школышто ик ий биологийым туныктен, да вара РОНО-ш методистлан налыныт.
✅ 1965 ийыште «Марий коммуна» газет редакцийыште литературный сотрудниклан пашам ышташ тӱҥалын. Редакцийыште пашам ыштымыж деч вара Л. Яндаков радиошто да телевиденийыште тыршен. Телевиденийыште пашам ыштыме жапыште марий йылме дене шуко передачым ямдылен.
1975 гыч 1993 ий марте Морко районышто «Марий коммуна» газетын собкоржо семын тыршен.
✅ 1993 ийыште сулен налме канышышке лектын. Канышыш лекмекыжат, Леонид Логинович сылнымут дене кылжым кӱрлын огыл.  2007 ийыште историй сынан «Онар», «Чоткар», «Мамич Бердей» романже-влак «Онар» книгаште савыкталтыныт. Шуко ойлымашым, очеркым да фантастика сынан роман-влакым, повесть ден пьесылам возен.
2022 ийыште "Ший калык" книгаже савыкталт лектын.
 Морко районысо книгагудо пашаеҥ-влак Леонид Логиновичым лӱмгечыж дене саламлат да "Пеледыш пайрем" комедий гыч ужашым ончаш темлат. Тек перо йымач лекше пашаже умбакыжат воранен кая.

https://vk.com/video-174466108_456239461?list=5cd114ffc04f24e96e

Просмотров: 50 | Добавил: Дмитрий | Теги: Леонид Яндаков, пеледыш пайрем | Рейтинг: 0.0/0
Всего комментариев: 0


VKONTAKTE
Моркинская библиотека


        

       

© МБУК «Моркинская ЦБС» 425120, Республика Марий Эл, Моркинский район, пгт. Морки, Советская, 7

Телефон: 8(83635)9-17-87; e-mail biblmorki@yandex.ru    
Copyright MyCorp © 2024