«Ава деч шерге уке нигӧат» сылнымут аршаш Морко рӱдӧ книгагудышто веселан эртыш.
Вашлиймашыш чолга, весела ава-кова-влак погыненыт. Вӱдышӧ-влак ава нерген уста серызе-влакын корнылаштым сылнын лудыныт. Людмила Александрован «Аваем» мурыжо (мутшо Зоя Висвисын, семже В. Бажановын) уна-влакын чоныштым куандарен.
Наталья Никифорова авалан пӧлеклалтше шке серыме почеламутшым каласкален да Капитон Галкинын «Ава кумыл» мыскара сынан почеламутшым мастарын модын ончыктен.
Кок командылан шелалтын «Калыкмутым пале», «Ава нерген муро», «Авай эн мотор» ӱчашымаште уш-акылыштым, усталыкыштым, чулымлыкыштым тергеныт. Ава нерген у почеламут корнылам шочыктеныт. Сылнымут аршаш «Ах, мамочка» караоке почеш сценкым модмаш, мурымаш да куштымаш дене сылнештаралтын.
Пайрем вашлиймаште шуко шӱм гыч лекше шокшо тыланымаш йоҥген. Тыгай погынымаш ушеш волгыдо кышам кода.

https://vk.com/video413405950_456239315
https://vk.com/video413405950_456239314
https://vk.com/video413405950_456239313
https://vk.com/video413405950_456239311

https://vk.com/biblmorki?w=wall-174466108_2589