Пт 29.03.2024, 02:47                                                                                                                                            Регистрация Вход

Адрес: 425120, Республика Марий Эл, пгт. Морки, ул. Советская, д. 7
Телефон: 8 (987) 708-09-96
E-mail: biblmorki@yandex.ru

Меню сайта

Краеведение

Наш опрос
Литературу какого жанра Вы предпочитаете?
Всего ответов: 90

Опрос
Как Вы оцениваете качество услуг в библиотеке?
Всего ответов: 53







Главная » 2022 » Январь » 17 » «Шӱм семын илыме шуэш» - сылнымут йолва вашлиймаш.
10:40
«Шӱм семын илыме шуэш» - сылнымут йолва вашлиймаш.

Шорыкйол тылзын 15 кечынже Морко рӱдӧ книгагудо пашаеҥ-влак икымше номеран школын 6 классыште тунемше-влак дене «Шӱм семын илыме шуэш» сылнымут йолва вашлиймашым эртареныт. Тиде вашлиймашыш самырык почеламутчо Виктория Матвеева уло кумылын ушнен.

Серызе шке илыш корныжо, усталык пашаж дене палдарен. «Сылнымут корнышко икымше ошкылым ышташ самырык мурызо, почеламутчо Алена Яковлева шӱмаҥден. Тудын сылнымутшо шӱм-чонышкем келге кышам коден», - каласыш Виктория.

Поэтын талантше – калыкын поянлыкше. Самырык серызе шке почеламутлаштыже шочмо кундемжым мокта, йӧратымаш, пӱртӱс темылан шке шонен лукмо шуко ойсавыртышым кучылтеш. «Самырык ме улына» сборникыште имыняр почеламутшо печатлалтыныт: «Уэш вашлиймешке», «Вашкаш...», «Шыжыш пурем», Йоммо шуэш», «Ужате», «Ару урем», «Копашкет» да молат. Ятыр почеламутшылан семым келыштарыме. Возымо йылме путыракат лывырге, лудшын кумылжым нӧлталеш.

Мероприятийын участникше-влак тӱрлӧ йодышым ямдыленыт: кузе почеламут шочеш, почеламутым возаш мо таратен, кузе икымше почеламут шочын да тулеч молат.

Тыгай талантан еҥ-влак дене ме кугешнена, умбакыжат пенгыде кылым кучаш тӱҥалына. Марий поэзий умбакыжат вияҥеш, да у почеламутым возен шогышо-влак эшеат шукырак да шукырак лийыт манын ӱшанен кодына.
 

       

Просмотров: 363 | Добавил: Дмитрий | Теги: Встреча | Рейтинг: 5.0/1
Всего комментариев: 0


VKONTAKTE
Моркинская библиотека


        

       

© МБУК «Моркинская ЦБС» 425120, Республика Марий Эл, Моркинский район, пгт. Морки, Советская, 7

Телефон: 8(83635)9-17-87; e-mail biblmorki@yandex.ru    
Copyright MyCorp © 2024