Пт 22.06.2018, 14:06                                    Главная Регистрация Вход
Меню сайта

Краеведение

Наш опрос
Литературу какого жанра Вы предпочитаете?
Всего ответов: 53

Опрос
Как Вы оцениваете качество услуг в библиотеке?
Всего ответов: 13



Главная » 2018 » Май » 22 » "Кугарня" пашаеҥ-влак дене вашлиймаш
14:16
"Кугарня" пашаеҥ-влак дене вашлиймаш
«Кугарня» газет 1991 ий годсек савыкталтеш. Марий Элыште веле огыл, тыгак Пошкырт, Татарстан, Сверловск кундемлаште, Киров областьыште да моло вереат лудыт. Морко район Унчо селаштат ты газетым уло кумылын вучат да лудын шогат. Садлан кӧра, поро лудшо-влак дене вашлиймашыш 18 майыште, кугарнян, Унчо кундемыш ты газет редакцийыште тыршыше – влак толыныт: тӱҥ редактор Иманаев Эдуард Аркадьевич, тӱҥ редакторын алмаштышыже Ирина Степанова, корреспондент-влак Анастасия Эманова, Светлана Кушакова, Ирина Кудряшова, Алена Яковлева, корректор Ольга Козырева, фотокорреспондент Иван Речкин.
Унчо книгагудо пелен верланыше «Кӱдыронгыр» ӱдырамаш клуб толшо уна-влакым кинде-шинчал дене вашлийын. Клуб 2010 ийыште шочын: тышке тылзе еда чылажге 25 ӱдырамаш погынат, книгам, газетым лудыт, кид пашам ыштат, у кочкыш рецепт дене ваш-ваш палдарат, сылне марий мурым муралтат, тыгак тӱрлӧ мероприятийлаштат уло кумылын шке мастарлыкыштым ончыктат. «Кӱдыроҥгыр» клубым книгагудо вуйлатыше Ямнеева Лидия Геннадиевна вӱда.
Унчо клубышто художественный руководитель Иванов Юрий Владимировичын баян дене шоктымыж почеш сылне марий муро йонгыш. «Унчо ял» мурыжо толшо уна-влакын, погынышо верысе калыкын шинча вӱдыштымат лукто.
«Кӱдыронгыр» клубысо ӱдырамаш-влакат шке нергеныш палдарышт, икмыняр муро дене уна-влакым куандарышт. Клубышко иктаж лу ий утла Петрова Анисия Савельевна, Николаева Марусия Янситовна, Ефимова Елизавета Ивановна, Боброва Вера Николаевна, Алексеева Вера Владимировна коштыт. Марусия Янситовна 80 ийыш тошкалын, марла газетым пеш лудаш йӧрата, Тиде чолга марий вате шуко ий медициныште пашам ыштен, а кызыт сурт кӧргыштыжӧ тӱрлӧ пеледыш-влакым ончен кушта.
Вашлиймаш поро шӱлыш дене эртыш, погынышо-влак чон почын кутырышт. «Кугарня» газет пашаеҥ-влак редакцийысе паша нерген радамлен каласкалышт, пашашт денат палдарышт. Газетым налашлан кумылым савырен кертыч, толшо-влак рӱж газетым налаш кутырен келшышт.

Просмотров: 33 | Добавил: Дмитрий | Теги: Встреча, Шоруньжа | Рейтинг: 0.0/0
Всего комментариев: 0
Вход на сайт

  




 



            

   

© МБУК «Моркинская ЦБС» 425120, Республика Марий Эл, Моркинский район, пгт. Морки, Советская, 7

Телефон: 8(83635)9-17-87; e-mail biblmorki@yandex.ru    
Copyright MyCorp © 2018