Ср 19.06.2019, 10:11                                                                                         Регистрация Вход


Меню сайта

Краеведение

Наш опрос
Литературу какого жанра Вы предпочитаете?
Всего ответов: 58

Опрос
Как Вы оцениваете качество услуг в библиотеке?
Всего ответов: 17








Главная » 2018 » Апрель » 3 » Коркатово библиотекыш унала
21:24
Коркатово библиотекыш унала

Кызытсе библиотекын тӱҥ пашаже книгам, документым, фондым аралымаште веле огыл, а тиде поян, ий гыч ийыш погымо материалым калык деке тӱрлӧ у йӧным кучылтын, намиен шукташ.
Морко поэт, писатель, 2018 ийысе юбиляр-влак нерген возымо "Ший гай волгалтше Морко мут ярым" проектын кумшо йыжыҥжым пеш шкешотан эртарышна.
Тиде кечын библиотека пашаеҥ-влак погынен, Коркатово библиотекыш унала мийышна - скандинавский коштмаш дене.
Амалже - марий драматург, калык писатель Сергей Николаевын 110-ияш лӱмгечыжым палемдышна.
Сергей Николаевын лӱмжым колмек, шинчаончылан Саликан образше шочеш. Вет Марий театрыште тиде рольым модаш эн чолга, мастар да мотор актриса-влаклан пиал шыргыжалын. Морко район Овдасола ялын шочшыжо, Сергей Николаев марий литературышто марий ӱдырамашым моктен чапландарыше писатель семын илаш тӱҥалеш.
Морко поэт, писатель-влак шке произведенийлаштышт ӱдыр, ӱдырамаш-влаклан шагал огыл моктеммурым возеныт. Садлан библиотека пашаеҥ-влак коклаште "Морко велне ила ик мотрожо..." виртуальный книга выставка конкурсым эртарышна. Чылажге кандаш конкурсный паша пурен. Пашаеҥ-влак Сергей Николаевын, Сергей Чавайнын, Мирон Большаковын, Миклай Казаковын, Юрий Исаковын, Аркадий Букетов-Сайнын, Эврик Анисимовын произведенийлашт гыч ӱдырамашлан пӧлеклалтше произведенийлам иктешлен, виртуальный сборникым чумыреныт. Унчо библиотека вуйлатыше Ямнеева Лидия Геннадиевна шкенжын вел поэт-влак Василий Миронов да Валерий Апакевын мутпогыныштым кучылтын, "Унчо ӱдыр - чолга шӱдыр" выставкым ямдылен.
Икымше верым Шордур библиотека вуйлатыше Семенова Светлана Евгеньевналан пуышна. Тудо Сергей Чавайнын произведенийлажым лончылен, кажне образым шыргаен, йӱкан виртуальный выставкым ончыктен.
Тиде кечын мероприятийыш марий серызе, почеламутчо, СССР Серызе-влак ушемын йыжъеҥже, Марий Эл Республикысе тӱвыран сулло пашаеҥже Валентин Осипов-Ярча да марий серызе, почеламутчо, журналист, Марий Эл Республикын сулло журналистше Юрий Исаков толыныт ыле.
Саламлымаш мутым Коркатово ялшотан илемын вуйлатышыже Павлов Владимир Альбертович шке лӱмлӧ землякше-влак дене кугешнен каласыш.
А клуб пашаеҥ-влак "Салика" спектакль гыч ик ужашым модыч, погынышо калыкым муро да куштымаш дене куандарышт.
Калык деке библиотека фонд гыч икмыняр книгам, у информацийым намиен шукташ эреак тыршен шогена.


https://vk.com/id413405950?w=wall413405950_540%2Fall

     

Просмотров: 195 | Добавил: Дмитрий | Теги: юбилей Сергея Николаева | Рейтинг: 0.0/0
Всего комментариев: 0

Вход на сайт



 

   

  

  

   

   

      

    

    

      

    

            

     
 
  

   

VKONTAKTE
Моркинская библиотека


        

         

© МБУК «Моркинская ЦБС» 425120, Республика Марий Эл, Моркинский район, пгт. Морки, Советская, 7

Телефон: 8(83635)9-17-87; e-mail biblmorki@yandex.ru    
Copyright MyCorp © 2019