Сб 07.12.2019, 18:12                                                                                         Регистрация Вход


Меню сайта

Краеведение

Наш опрос
Литературу какого жанра Вы предпочитаете?
Всего ответов: 59

Опрос
Как Вы оцениваете качество услуг в библиотеке?
Всего ответов: 21








Главная » 2015 » Сентябрь » 7 » Книгагудын поро йолтышыже
10:25
Книгагудын поро йолтышыже
Унчо ялыште илыше Ирбулатова Анастасия Ивановна нерген икмыняр поро шомакым каласыме шуэш. Шочынжо тудо Шенше ялеш ,1938 ий 2 апрельыште.
1960 ийыште, Марийский государственный педагогический институтым тунем пытарымекыже, шочмо Шенше ялышкыже толеш да школышто пашам ышташ туналеш.
Илыш пÿрымаш Анстасия Ивановнам 1979 ийыште Унчо кундемышке лупшалеш. Унчо школышто француз йылмым туныкташ туңалеш. Кызыт тудо сулен налме канышыште.
Изинек книгам йöратыше, ÿмыржо мучко книга ден кылым кучышо ең книга деч посна илен кертеш мо? Анастасия Ивановна ондаксек книгагудын поро йолташыже. «Книгагудыш толын ом кае гын, чонемжат огеш чыте» - манеш тудо. Эр эрдене кынелын, мöңгысö сурт сомылкам тöрлымеке, шонго ең шке корныжым книгагудо велышке шуя. Мöңгыштö шкет еңлан шинчаш веселажак огыл - мутымат вашталташ кÿлеш,телевизорымат кече мучко от ончо. Книгагудышто лиеш газетым лудаш, сылне деч сылне книга-влакым, шергалаш журналым.
Поснак «Кугарня» газетым лудаш йöрата. Тушто шуко лÿмлö ең дене палдарат, шуко кÿлешан ой-каңаш-влак улыт манын ойла. Чон канен лудын шинча. Кулеш рецепт-влакым возенат кая: тудын пакчаштыже шуко мöрö, олма да тулеч моло саска кушкыт.
Анастасия Ивановна книгагудо пелен верланыше «Кудыронгыр» ÿдырамаш клубыш куанен коштеш. Кажне вашлиймашышке толмыж годым могай гынат кочкышым ыштен конда. Тамле мелнамат кÿештеш, пушкыдо деч пушкыдо когыльымат ышта, тÿрло-тÿрло салат-влакымат конден пукша, шке моштымыжым вес ÿдырамаш-влаклан ончыкта.
Тыгайрак кожмак, поро кумылан, книгам йöратыше, книгагудо дене кылым кучышо да тудын поро йолташыже Анастасия Ивановна Ирбулатова. Тыланем тудлан тазалыкым, а библиотеке пашаен-влаклан поро лудшым.

Ямнеева Л. Г.,
Унчо книгагудо вуйлатыше.
Просмотров: 289 | Добавил: Библиотека | Рейтинг: 0.0/0
Всего комментариев: 0
Имя *:
Email *:
Код *:


Вход на сайт



   



      


 

  

  

   

   

      

    

    

      

    

            

     
 
  

   

VKONTAKTE
Моркинская библиотека


        

         

© МБУК «Моркинская ЦБС» 425120, Республика Марий Эл, Моркинский район, пгт. Морки, Советская, 7

Телефон: 8(83635)9-17-87; e-mail biblmorki@yandex.ru    
Copyright MyCorp © 2019