Вт 22.01.2019, 05:38                                                                                                                                              Регистрация Вход
Меню сайта

Краеведение

Наш опрос
Литературу какого жанра Вы предпочитаете?
Всего ответов: 56

Опрос
Как Вы оцениваете качество услуг в библиотеке?
Всего ответов: 16








Главная » 2018 » Декабрь » 27 » Калык ойпогылан эҥертен.
09:31
Калык ойпогылан эҥертен.

   Тений 20 декабрьыште марий калыкын мастар мутсӱретчыже, писатель Яков Элексейнын шочмыжлан 125 ий теме. Йорло кресаньык ешеш шочын-кушшо Яков Элексейн ӱмыржын кугу ужашыжым ялысе икшыве-влакым туныктымашлан пуэн. Пашажым кӱкшын аклен, Совет правительство тудым «Трудовой Йошкар Знамя» орден дене палемден. Кугу сар жапыште Яков Алексеевич Ленинградысе военно-воздушный академийыште тӱрӧ озанлык пашам ышта «За победу над Германией в Великой Отечественной войне 1941-1945 гг.» да «За доблестный труд в Великой Отечественной войне» медаль-влак дене палемдалтын. Еҥ-влак деке почмо шӱман улмыжлан, тудым шуко калык пагален.

   Тыгай талантан айдемым шарналташ, Морко книгагудо системын пашаеҥже-влак погынен, Осипсола библиотекыш 25 декабрьыште миен коштна. Эн ондак, «Ший гай волгалтше Морко мут ярым» куснылшо кубокым Морко рӱдӧ книгагудын краеведений сектор гыч Осипсола библиотекылан кучыктышна. Пайрем тӱҥалтышыште, Марина Геннадьевна Тимофеева, Осипсола библиотекын пашаеҥже, лывырге марий йылме дене Яков Элексейнын илыш корныжым, тудын творческий пашаже да юбилярын родо-тукымжо нерген шуко фотосӱрет, слайд презентаций гоч палдарыш да прозаик дене пошкудо улмыж нерген кугешныме шомакым каласыш. Поро шарнымашым Галина Васильевна Кузьмина писательын эргыже – Петр Алексеев нерген каласыш, Морко М. Н. Янтемир лӱмеш тоштерын пашаеҥже Валентина Лазаревна Павлова аважын мутшым шарналтен, тыгерак мане: «Яков Элексейн Кожлаер гыч Вончыдӱр марте еҥын коштдымо корно дене коштын, да санденжат шке произведенийлаштыже пӱртӱсын сӧралжым, моторжым сылнын почын ончыктен». Пайремым, сылне муро семышт дене Осипсола тӱвыра пӧртын «Весела кумыл» ансабльже сӧрастарышт. Кумужъял школын икшывыже-влак Ястребов Алеша 8-ше, Александрова Алина 5-ше да Завойскина Катя 3-шо классла гыч ик ужашан комедий «Чоя рывыж ний оптышеш пижеш» изи сценкым мастарын модын ончыктышт. Икшыве, книгагудо пашаеҥ да пайремын унаже-влак дене Ярамор, Осипсола библиотека, тӱвыра пашаеҥ-влак «квест» модышым эртарен колтышт. Икымше станцийыште, Яков Элексейнын произведений-влакше почеш, тошто марий лӱм, калык пале, тушто-влакым пален, пазлын ик ужашыжым модын налынна, вес вере, «музей» станцийыште авторын произведенийлаштыже герой-влак могай тошто марий кочкышым, вургемым чийымышт нерген, кумшо Тойметсола вел мыняр лӱмлӧ поэт, писатель-влак улыт да нылымше станцийыште Вончыдӱр вел ял, вер-шӧр, курыкла да эҥерла нерген пален налын, пазлым иктыш ушен эн тӱҥ пӧлекым кычал муынна. Тыге весела модыш гоч Яков Элексейнын поизведений-влакшым шергалын лекна. Проект почеш шуктымо пашам, Морко рӱдӧ книгагудо системын директоржо Маргарита Николаевна Семенова иктешлыш. Пытартышлан йыргешке ӱстел йыр погынен, писатель-прозаик Яков Элексейным шарналтен, шокшо чай, весела мурым мурен пайрем кечым мучашлышна.





Жанна Иванова книгагудо пашаеҥ.



        


Просмотров: 38 | Добавил: Дмитрий | Теги: Яков Элексейн | Рейтинг: 0.0/0
Всего комментариев: 0

Вход на сайт

  

   

   

   

      

    

    

      

    

            

     
 
  

   

VKONTAKTE
Моркинская библиотека


    

         

© МБУК «Моркинская ЦБС» 425120, Республика Марий Эл, Моркинский район, пгт. Морки, Советская, 7

Телефон: 8(83635)9-17-87; e-mail biblmorki@yandex.ru    
Copyright MyCorp © 2019