Кугу Шале культура  пöрт пелен верланыше библиотекыш пурымеке, книга тÿняште улметла чучеш. Йон'гыдо, волгыдо пöлемышке чевер кечат шке ший йоллажым шуялташ ок мондо.

Теве 14 майыште Марий Элын калык писательжын Юрий Иванович Галютинлан 75 ий темме лумеш мероприятийышке калык шынак погынен ыле. Мероприятийым Шале книгагудышто эртараш чыла амалжат келшыше, вет шочмо мурпогын  кумылзакшын  мондалтдыме рвезе пагытше  Морко район, Купсола ялыште эртен. Тыштак туналтыш классым тунемын. Эн первый марий книга, марла савыктыме сылнымут  дене вашлийын.

Мероприятийым сорастараш Купсола школын тунемшыже-влак да марий йылмым туныктышо Михайлова М.Э. полшеныт. Эн ончыч  йоча-влаклан  Юрий Ивановичын илыш корныж нерген презентацийым ончыктымо. Умбакыже йоча-влак писательын «Угыч корно лектеш монго велыш» лирический поэмым наизусть каласен пуышт. Пытартышлан чыла улшо калык дене, писательын  творчествыж нерген викториным эртарен колтышна.

Юрий Ивановичлан марий йылмынан лывырге ой-шомакшым модыктен, шонымаш келгытыш пурен, сылнымутнам умбакыже кыртмен вияндыже манын тыланен кодына.

   Т.Романова,

Кугу Шале библиотекын вуйлатышыже.